کچھ عرصہ قبل علیزے شاہ کو فیشن ریمپ پر پھسلنے کے بعد سنبھالا دینے والی شازیہ منظور کو بھی کم وبیش اسی قسم کی صورتحال کا سامنا کرنا پڑا۔
شازیہ منظورکا نام پاکستان میوزک انڈسٹری میں کسی تعارف کا محتاج نہیں ، 90 کی دہائی میں ان کے گائے ہوئے گانوں میرا مکھنا، گھرآجا سوہنیا، مترا، بتیاں بجھائی رکھدی جیسے سدا بہارگانوں نے خوب مقبولیت حاصل کی اور سننے والے آج بھی
پنجابی زبان کے ان دلنشین گیتوں سے خوب محظوظ ہوتے ہیں۔
سوشل میڈیا پرمعروف ٹک ٹاکرجنت مرزا اورشازیہ منظورکی ایک ویڈیوخاصی وائرل ہے۔
کسی ایونٹ کے دوران شازیہ پہلےسے موجود اسٹیج پرجنت کے پاس آرہی ہوتی ہیں کہ اچانک ان کے قدم لڑکھڑائے لیکن جنت مرزانے فوراً آگے بڑھ کر انہیں سنبھال لیا۔
اس دوران جنت نے ان کی خیریت پوچھی تو شازیہ نے شگفتہ اندازمیں کہا، ‘یاریہ تومیں ہی گرنے لگی تھی، اچھے بھلے لوگوں کو گراتی تھی’۔
شاید شازیہ کا یہ جملہ کچھ ایساغلط بھی نہیں کیونکہ صارفین نے بھی اپنے تبصروں میں انہیں بخوبی یہ احساس دلایا۔
شازیہ آنٹی؟ بیرون ملک پاکستانیوں کوووٹ کے حق سے محروم کرو
یاد رہے کہ دسمبر2021 میں انیسویں ‘ہم برائیڈل کوٹیورویک ‘ کے ایونٹ سے ایک ویڈیوسوشل میڈیا پربہت زیادہ وائرل ہوئی جس میں اداکارہ علیزے شاہ ریمپ واک کے بعد واپس جاتے ہوئے گرپڑیں۔علیزے وفاقی وزیر برائے اطلاعات ونشریات فواد چوہدری کی اہلیہ حبا فواد کی فیشن برانڈ ‘نساء حسین ‘ کیلئے ماڈلنگ کررہی تھیں۔
نساء حسین کلیکشن کی نمائش کے دوران خاص بات ماڈلز کے ساتھ گلوکارہ شازیہ منظور کی موجودگی تھی جو گھرآجا سوہنیا، چن میرے مکھنا سمیت دیگرگانوں سے شرکاء کو محظوظ کررہی تھیں۔ گانے کی بیٹ پرخوب لطف اندوز ہونے والی علیزے شازیہ کا ہاتھ پکڑے اپنی باری کے بعدواپس بیک اسٹیج جارہی تھیں کہ اچانک ان کا پاوں پھسلا اوروہ گرپڑیں۔
تاہم شازیہ منظورنے پھرتی دکھاتے ہوئے فوراً ہی علیزے کو سہارا دیکراٹھایا اور اس لمحے کو خود پرطاری کرنے کے بجائے اداکارہ ہنستی مسکراتی اٹھ کھڑی ہوئیں جس کی ویڈیو سوشل میڈیا پرخاصی وائرل ہوئی تھی۔
from SAMAA https://ift.tt/BLjwxYa
0 Comments