مسٹریونیورس باڈی بلڈنگ چیمپئن شپ، سیالکوٹ کے معیز نے تاریخ رقم کردی

تھائی لینڈ میں ورلڈ فٹنس فیڈریشن کے زیراہتمام تن سازی کامقابلہ ہوا۔ مسٹر جونئیر کٹیگری میں پاکستان کےمعیز نے135 ممالک کے شرکا کو مات دے کر چاندی کا تمغہ حاصل کیا۔

تھائی لینڈ میں مسٹر یونیورس باڈی بلڈنگ چیمپئن شپ میں سیالکوٹ کے معیز نے تاریخ رقم کردی۔ انھوں نے مسٹر جونئیر یونیورس میں چاندی کا تمغہ حاصل کرکے ملک کانام روشن کردیا۔

سیالکوٹ پہنچنے پر معیز کا ڈھول تماشوں سے استقبال کیاگیا۔ پھولوں کی پتیاں اور نوٹ بھی نچھاور کئے گئے۔

اس موقع پر معیز کا کہنا تھا کہ یہ سب والدین کی دعاؤں اور محنت کانتیجہ ہے، آئندہ بھی ملک کا نام روشن کروں گا۔

معیز نے ٹریننگ اپنے والد سے حاصل کی۔ ان کا کہنا تھا کہ مزید محنت کرکےاورمیڈل لائیں گے۔ انھوں نے بتایا کہ روزانہ کئی گھنٹے تک ان کی ٹرینگ کے بعد بہترین نتیجہ سامنے آیا ہے۔

from Samaa - Latest News https://ift.tt/yVUmg09