ورلڈ ایتھلیٹکس چیمپئن شپ،پاکستانی ایتھلیٹ ارشد ندیم میڈل حاصل کرنےکےلیےپُرعزم

ورلڈ ایتھلیٹکس چیمپئن شپ میں جیولن تھروایونٹ کے فائنل میں پاکستانی ایتھلیٹ ارشد ندیم پاکستانی وقت کے مطابق اتوارکی علی الصبح ایکشن میں ہوں گے۔

ارشد ندیم نے اپنے ویڈیو پیغام میں کہا ہے کہ قوم کامیابی کے لیے دعا کرے اور میں جیت کے لیے اپنی پوری کوشش کروں گا۔

انھوں نے کہا کہ دعا کریں کہ اچھا پرفارم کرکے قوم کے لئے میڈل لےکرآؤں۔

امریکا میں جاری ورلڈ ایتھلیٹکس چیمپئن شپ میں جیولین تھرو کے کوالیفائنگ راؤنڈ میں ارشد ندیم گروپ بی میں موجود تھے۔ انہوں نے 81.71 میٹر کی تھرو کی۔

وہ اپنے گروپ میں چوتھے نمبر پررہے۔ارشد نے مجموعی طور پر8 ویں پوزیشن حاصل کرکے فائنل کیلئے کوالیفائی کیا۔

کوالیفائنگ راؤنڈ سے مجموعی طور پر 12 ایتھلیٹس نے کوالیفائی کرنا تھا۔

بھارت کے نیرج چوپڑا بھی فائنل میں ہیں۔ میڈل کیلئے پاکستان اور بھارت سمیت 12 ایتھلیٹس میدان میں اتریں گے۔

from Samaa - Latest News https://ift.tt/4Pn7v3S