لاہور میں ایک دن میں 119 موٹر سائیکلیں چوری

پنجاب کے دارالحکومت لاہور میں صرف ایک دن میں 119 موٹر سائیکلیں چوری کر لی گئیں۔

لاہور میں 24 گھنٹوں کے دوران موٹر سائیکل چوری کی ریکارڈ وارداتیں ریکارڈ ہوئیں، اور صرف ایک دن میں 119 موٹرسائیکلیں چوری کرلی گئیں۔

پولیس ریکارڈ کے مطابق لاہور کے علاقے کینٹ ڈویژن میں صرف 24 گھنٹوں کے دوران 39 موٹرسائیکلیں چرالی گئیں۔

ریکارڈ کے مطابق دوسرے نمبر پر سب سے زیادہ وارداتیں صدر ڈویژن میں ہوئیں، جہاں سے 24 گھنٹوں میں 23 موٹر سائیکلیں چوری کرلی گئیں۔ جب کہ اس دوران ماڈل ٹاون ڈویژن میں 22 موٹر سائیکلیں چوری ہوئیں۔

پولیس ریکارڈ میں بتایا گیا ہے کہ گزشتہ 24 گھنٹوں کے دوران سٹی ڈویژن میں 14 ، سول لائنز میں 13 اور اقبال ٹاون میں 8 موٹر سائیکلیں چوری ہونے وارداتیں رپورٹ ہوئیں۔

پولیس حکام کا کہنا ہے کہ مقدمات کا اندراج کر کے تحقیقات شروع کردی گئی ہیں، اور سی سی ٹی وی فوٹیج کے ذریعے ملزمان تک پہنچنے کی کوشش جاری ہے۔

from Samaa - Latest News https://ift.tt/s3wGNJh