مہنگائی کے مارے لوگوں میں مفت پیٹرول بانٹنے والا نوجوان

کراچی کے ایک نوجوان نے انوکھے انداز میں مہنگائی کے مارے عوام کی مدد کرنے کی ٹھانی ہے۔

کراچی کو غریب پرور شہر کہا جاتا ہے، دریا دلی میں کراچی والوں کا کوئی ثانی نہیں، چاہے قدرتی آفت ہو یا قومی سانحہ، ہر مشکل وقت سب سے پہلے میہدان میں کراچی والے ہی اترتے ہیں۔

غریبوں اور نادار لوگوں کے لئے سڑک کنارے لگائے گئے دستر خوان ہوں یا مفت ادیات فراہم کرنے والے ادارے۔ کراچی کے شہری ناداروں کی مدد میں کسی سے پیچھے نہیں۔

ایسا ہی ایک صاحب حیچیت نوجوان موٹر سائیکل سواروں کو مفت میں پیٹرول بانٹ رہا ہے۔ دانیال نامی اس نوجوان کی سوشل میڈیا میں بڑی دھوم ہے۔

دانیال مختلف اوقات میں مختلف پیٹرول پمپس پر جاکر موٹر سائیکل سواروں کو مفت میں پیٹرول ڈلواتے ہیں۔

دانیال کا کہنا ہے کہ مہنگائی نے غریب اور متوسط طبقے کو جکڑ رکھا ہے۔ لوگ سوچتے ہیں کہ وہ اپنی موٹر سائیکل میں پیٹرول ڈلوائیں یا گھر والوں کے لئے ضروریات زندگی کا بندوبست کریں۔

from Samaa - Latest News https://ift.tt/yN9RxrU