کرکٹ میچ کے دوران فیلڈنگ کرتے ہوئے کھلاڑی جاں بحق

لاہور میں کرکٹ میچ کے دوران نوجوان کرکٹر دل کا دورہ پڑنے سے انتقال کرگیا۔

جوبلی ٹاؤن کرکٹ گراؤنڈ میں میچ کے دوران عثمان دوران فیلڈنگ زمین پر گرگئے، لیگ انتظامیہ کا کہنا تھا کہ حرکت قلب بندہونے سے مقامی کرکٹرجان کی بازی ہارگیا۔

حکام کے مطابق عثمان کو فوری طور پر قریبی اسپتال منتقل کیا ليکن وہ جانبر نہ ہوسکے، لیگ انتظامیہ نے جاری بیان میں مقامی کرکٹر عثمان کے وفات پر دکھ اور لواحقین سے تعزیت کا اظہار کیا۔

واضح رہے کہ گزشتہ سال کراچی کے علاقے شاہ فیصل کالونی میں بھی 25 سالہ حمزہ شاہد اپنے دوستوں کے ساتھ گھر کے قریب نائٹ میچ کھیل رہے تھے کہ وہ بولنگ کرانے کے دوران اچانک زمین پر گر گئے،حمزہ کو اُس کے اہل خانہ اسپتال لے کر پہنچے جہاں ڈاکٹرز نے موت کی تصدیق کی۔

from Samaa - Latest News https://ift.tt/JxqjEvY