پشین میں انسداد پولیو ٹیم پر فائرنگ، پولیس اہلکار جاں بحق

پشین میں نامعلوم افراد کی فائرنگ سے پولیو ٹیم کی حفاظت پر مامور پولیس اہلکار جاں بحق ہوگیا۔

پولیس کے مطابق واقعہ کلی پشین کے علاقے کلی تراٹہ میں پیش آیا جہاں نامعلوم مسلح افراد کی فائرنگ کے پولیو ٹیم کی حفاظت پرمعمور اہلکار جاں بحق ہوگیا، واقعے کے بعد لاش کو ڈی ایچ کیو اسپتال پشین منتقل کردیا گیا ۔

ڈپٹی کمشنر پشین محمد یاسر بازئی کے مطابق فائرنگ سے پولیو رضا کار محفوظ رہے ہیں، شہید اہلکار کی شناخت محمد ہاشم کے نام سے ہوئی ہے ، لاش کو قانونی کارروائی کے بعد پوسٹ مارٹم کے لیے کوئٹہ منتقل کردیا ہے ۔

دوسری طرف پولیس اور سیکیورٹی فورسز نے کلی تراٹہ اوراطراف میں حملہ آوروں کی گرفتاری کے لیے سرچ آپریشن شروع کردیا ہے ۔

واضح رہے کہ رواں برس پاکستان میں پولیو کے 20 کیسز سامنے آچکے ہیں۔

ریکارڈ کئے گئے تمام پولیو کیسز کا تعلق خیبر پختونخوا سے ہے۔

from Samaa - Latest News https://ift.tt/LNZyOT1