کے پی اسمبلی کے ارکان نے استعفے اسپیکر کی بجائے وزیر اعلیٰ کو ارسال کر دئیے

تحریک انصاف کے کے پی اسمبلی کے ارکان نے اسپیکر کو استعفے دینے کے بجائے وزیراعلیٰ کو ارسال کردیئے۔

تحریک انصاف کے اراکین اسمبلی استعفوں کے معاملے پر تذبذب کا شکار ہوگئے ہیں، یہ ان کی ’’لاعلمی‘‘ ہے یا کوئی ’’ڈرامہ بازی‘‘ اس حوالے تو کچھ نہیں کہا جاسکتا، لیکن کچھ ارکان وزیراعلیٰ کو اپنے استعفے بھیج رہے ہیں، اور کوئی اسپیکر اسمبلی کو ارسال کررہا ہے۔

تحریک انصاف کے ایم پی اے گران اللہ، فیصل امین اور وزیر زادہ نے وزیر اعلیٰ محمود خان کے نام استعفے لکھے ہیں، جب کہ ڈپٹی سپیکر اور خاتون ایم پی اے آسیہ خٹک نے اپنے استعفے اسپیکر اسمبلی کے نام ارسال کردیئے۔

دوسری جانب پی ٹی آئی کے دیگر ارکان کا کہنا ہے کہ پارٹی کی جانب سے تو استعفے دینے کی ہدایت ہی نہیں کی گئی، اور نہ ہی اسمبلی تحلیل کےلئے استعفے دینے کی ضرورت ہے۔

آئین کے ارٹیکل 112 کے شق 1 کے تحت کسی بھی اسمبلی کا وزیر اعلی اپنے صوبے کے گورنر کو اسمبلی تحلیل کرنے کی ایڈوائس دے سکتا ہے، اور اگر گورنر کی جانب سے دستخط نہیں بھی ہوتے تو 48 گھنٹوں کے بعد اسمبلی تحلیل ہوجائے گی۔

from Samaa - Latest News https://ift.tt/anr6uog