کیا بابر کے بعد شاہین بھی پشاور زلمی کے ہوگئے؟

پی ایس ایل فرنچائز پشاور زلمی کے مالک جاوید آفریدی کی ایک ٹوئیٹ کے بعد سوشل میڈیا پر قیاس آرئیاں کی جارہی ہیں کہ شاہین شاہ آفریدی نے پشاور زلمی میں شمولیت اختیار کرلی ہے۔

چند روز قبل پی ایس ایل کی فرنچائز کراچی کنگز کے کپتان بابر اعظم نے پشاور زلمی میں شمولیت اختیار کرلی تھی۔

پشاور زلمی کے مالک جاوید آفریدی نے گزشتہ روز ایک ٹوئٹ کی جس میں انہوں نے شاہین پرندے کی تصویر شیئر کی۔

جاوید آفریدی کی جانب سے شاہین کی تصویر شیئر کئے جانے کے بعد سوشل میڈیا پر یہ قیاس آرائی کی جانے لگی کہ بابر کے بعد اب شاہین شاہ آفریدی بھی پشاور زلمی کے ہوگئے۔

شاہین لاہور قلنبدرز کے کپتان ہیں اور ان کی کپتانی کی لاہور قلندرز پہلی بار پی ایس ایل جیتی ہے۔

ٹوئٹر صارفین نے اس حوالے سے جاوید آفریدی سے سوال بھی کئے لیکن ان کی جانب سے کوئی جواب نہیں دیا گیا۔

جاوید آفریدی کی ٹوئٹ پر دلچسپ تبصرے اور میمز بھی شیئر کی جارہی ہیں۔

احمد خان نے بابر اعظم کی تصویر شیئر کرتے ہوئے لکھا کیا؟؟ کب؟؟ کیسے؟؟ کیوں؟؟

نشلہ نے ایک خاتون کی چپل اٹھائے تصویر پوسٹ کی ہے اور ساتھ میں جاوید آفریدی کو ٹیگ کیا ہے۔

افراح نے نسیم شاہ کی ایک تصویر شیئر کی ہے جس میں ایڈیٹںگ کرکے ایسا دکھایا گیا ہے جیسے انہوں نے اسلحہ اٹھایا ہوا ہے ۔

from Samaa - Latest News https://ift.tt/ed5JaiM