نئے آرمی چیف کی تعیناتی وزیراعظم کو وزارت دفاع کی سمری موصول

وزیراعظم شہبازشریف کو نئے آرمی چیف کے حوالے سے وزارت دفاع کی جانب سے سمری موصول ہوگئی۔

پاک فوج کے نئے سربراہ اور چيئرمين جوائنٹ چيفس آف اسٹاف کميٹی کی تقرری کے حوالے سے وزیراعظم شہباز شريف کی زیر صدارت غیر رسمی مشاورت ہوئی، جس میں اہم وفاقی وزراء اور قريبی رفقاء نے شرکت کی۔

ذرائع کے مطابق وزیراعظم سینیارٹی کے تحت آرمی چيف کی تقرری کے خواہشمند ہیں، جب کہ حکومتی اور دفاعی حکام اتفاق رائے کے ذریعے تمام فیصلوں پر متفق ہیں۔

ذرائع نے یہ بھی بتایا کہ اہم تقرریوں کے حوالے سے رات گئے بھی بیک ڈور رابطوں کے ذریعے بعض اہم ملاقاتیں کی گئیں۔

مزید پڑھیں؛ آئین پاکستان میں آرمی چیف کی تعیناتی کا طریقہ

دوسری جانب وزارت دفاع نے نئے آرمی چیف کے حوالے سے سمری وزيراعظم ہاؤس کو بھجوا دی ہے، اور وزيراعظم نے وزارت دفاع کی سمری پر ہوم ورک مکمل کر ليا ہے۔

ذرائع کا کہنا ہے کہ نئے آرمی چیف کی تعیناتی کا عمل ايک دو روز ميں مکمل کر ليا جائے گا۔

from Samaa - Latest News https://ift.tt/XU37yO9