انگلینڈ کے کلین سوئپ کے باوجود بابراعظم کی ٹیسٹ رینکنگ میں بہتری

آئی سی سی نے بیٹنگ میں ٹیسٹ پلیئرز کی رینکنگ جاری کردی، انگلینڈ کے ہاتھوں ٹیسٹ سیریز میں پاکستان کی عبرتناک شکست کے باوجود بابراعظم کی رینکنگ میں بہتری آگئی۔

آسٹریلیا کے مارنوس لابو شین 936 پوائنٹس کے ساتھ پہلے نمبر پر برقرار ہیں، پاکستان کے ٹیسٹ کپتان بابراعظم رینکنگ میں ایک درجے بہتری کے بعد 875 پوائنٹس کے ساتھ دوسرے نمبر پر آ گئے۔

آسٹریلیا کے اسٹیو اسمتھ 870 پوائنٹس کے ساتھ تیسرے اور آسٹریلیا کے ہی ٹریوس ہیڈ تین پوائنٹس اضافے کے 826 کے ساتھ چوتھے نمبر پر ہیں۔

انگلینڈ کے جو روٹ پانچویں، بھارت کے رشب پانت چھٹے، نیوزی لینڈ کے کین ولیم سن ساتویں، نمبر پر ہیں۔

سری لنکا کے دیموت کارون رتنے آٹھویں، بھارت کے روہت شرما نویں اور آسٹریلیا کے عثمان خواجہ 10 وین پوزیشن پر براجمان ہیں۔

from Samaa - Latest News https://ift.tt/24rweca