لاہوریوں نے پی ایس ایل کے میچز میں رنگ بھر دئیے، نجم سیٹھی

سربراہ پی سی بی مینجمنٹ کمیٹی نجم سیٹھی نے کہا ہے کہ لاہوریوں نے پی ایس ایل میں رنگ بھر دئیے، شائقین کرکٹ کی بڑی تعداد آنے سے اسٹیڈیم چھوٹے پڑگئے ہیں۔

لاہور میں میڈیا سے گفتگو کرتے ہوئے سربراہ پی سی بی مینجمنٹ کمیٹی نجم سیٹھی کا کہنا تھا کہ پی ایس ایل نے ہمیشہ ہی پاکستان کو اچھا ٹیلنٹ دیا ہے، انڈر 19، انڈر 16 اور انڈر 13 ٹرائلز میں ملک بھر میں بڑی تعداد میں بچوں کا آنا خوش آئند ہے۔

نجم سیٹھی نے بتایا کہ آئی سی سی اور اے سی سی اجلاسوں میں ایشیا کپ اور چیمپئنز ٹرافی کی میزبانی پر غور ہوگا، آئندہ ایک سے ڈیڑھ ماہ میں ڈسٹرکٹس اور ریجنز کے انتخابات کروا کر گورننگ بورڈ مکمل کردیں گے۔

انہوں نے مزید بتایا کہ آئندہ ڈومیسٹک کرکٹ سیزن کیلئے ڈیپارٹمنٹس نے حامی بھرلی ہے۔

لاہور کے قذافی اسٹیڈیم میں پاکستان سپر لیگ 8 کے میچز کا آغاز 26 فروری سے ہوا تھا، جسے دیکھنے کیلئے بڑی تعداد میں شائقین کرکٹ اسٹیڈیم آئے۔

from Samaa - Latest News https://ift.tt/7hIbMQ3