الیکشن کمیشن کا صدر مملکت کے ساتھ انتخابات کی تاریخ پر مشاورت سے انکار

الیکشن کمیشن نے صدر مملکت عارف علوی کے ساتھ انتخابات کی تاریخ پر مشاورت سے انکار کردیا ہے۔

صدر مملکت ڈاکٹر عارف علوی نے پنجاب اور خیبر پختونکوا اسمبلیوں کے اناتخابات کے لئے الیکشن کمیشن کو خط لکھا تھا ، جس میں انہوں نے ملاقات اور مشاورت کی دعوت دی تھی۔

چیف الیکشن کمشنر نے صدر مملکت کو گزشتہ روز جوابی خط بھجوایا تھا ، اس خط میں انہوں نے صدر مملکت کی جانب سے خط میں استعمال کئے گئے الفاظ پر تحفظات کا اظہار کیا تھا۔

صدر مملکت نے انتکابات کی تاریخ کے لیے پیر کو اجلاس بھی بلایا ہے تاہم الیکشن کمیشن نے اب صدر مملکت کے ساتھ صوبوں کے انتخابات کی تاریخ پر مشاورت سے انکار کردیا ہے۔ اس حوالے سے ایوان صدر کو عبوری فیصلے سے بھی آگاہ کر دیا گیا ہے۔

الیکشن کمیشن کو قانونی ٹیم نے ایوان صدر کے اجلاس میں شرکت نہ کرنے کی تجویز ی ہے، الیکشن کمیشن کو بتایا گیا ہے کہ صدر مملکت کے ساتھ صوبائی انتخابات پر مشاورت کی کوئی آئینی حیثیت نہیں۔اس لئے اجلاس میں شرکت نہیں کرنا چاہیے۔

ایوان صدر کو بتایا گیا ہے کہ انتخابات کی تاریخ کا معاملہ مختلف عدالتوں میں زیرالتوا ہے۔ عدالتوں میں زیرالتوا معاملے پر صدرمملکت سے مشاورت نہیں کرسکتے۔

from Samaa - Latest News https://ift.tt/ALkZm3d