آپ میرے لئے چاچا نہیں، بوم بوم ہیں، شاہد آفریدی کا دلچسپ ٹوئٹ

نیوزی لینڈ کیخلاف جارحانہ اننگز کھیلنے پر بوم بوم آفریدی نے افتخار احمد کو بوم بوم کا خطاب دے ڈالا۔

نیوزی لینڈ نے تیسرے ٹی 20 میں پاکستان کو سنسنی خیز مقابلے میں 4 رنز سے شکست دی، میچ کی خاص بات افتخار احمد کی 24 گیندوں پر 60 رنز کی جارحانہ اننگز تھی۔

پاکستان کرکٹ ٹیم کے سابق کپتان شاہد آفریدی نے افتخار احمد کو ٹوئٹر پیغام میں بوم بوم کا لقب دے دیا۔ بولے کہ افتخار احمد آپ میرے لئے چاچا نہیں بلکہ بوم بوم ہو۔

انہوں نے کہا کہ میری خواہش تھی کہ آپ میچ ختم کرکے آتے، اگر آپ میچ کا اختتام اچھا کرتے تو آپ کیلئے یادگار اننگز ہونی تھی، بہرحال اچھا میچ دیکھنے کو ملا، شائقینِ کرکٹ نے میچ کا لطف اٹھایا۔

شاہد آفریدی نے مہمان ٹیم کو بھی میچ میں کامیابی پر مبارکباد دی اور کہا کہ نیوزی لینڈ ٹیم کا پاکستان آن پر بہت شکریہ۔

شاہد آفریدی کے ٹوئٹ کا جواب دیتے ہوئے افتخار احمد نے لکھا کہ لالہ آپ کا بے حد شکریہ کہ آپ نے مجھے پیار دیا اور پہچان دی، یہ میرے لئے بہت عزت اور فخر کی بات ہے کہ بوم بوم خود مجھے اپنے نام سے تشبیہ دے رہے ہیں۔

from Samaa - Latest News https://ift.tt/AgxjmBo