شمالی وزیرستان میں فورسز سے جھڑپ، ایک دہشت گرد ہلاک

شمالی وزیرستان میں دہشت گردوں نے سی ٹی ڈی اور فورسز پر حملہ کردیا، دو طرفہ فائرنگ میں ایک حملہ اور زیر حراست 3 ملزمان مارے گئے۔

شمالی وزیرستان میں عیدک پل کے قریب سی ٹی ڈی اور فورسز پر دہشت گردوں نے حملہ کردیا، فائرنگ کے تبادلے میں ایک دہشت گرد ہلاک جبکہ باقی فرار ہوگئے۔

سی ٹی ڈی کے مطابق دو طرفہ فائرنگ میں فورسز کی زیرحراست 3 ملزمان بھی ہلاک ہوگئے۔

سی ٹی ڈی کا کہنا ہے کہ حملہ اس وقت ہوا جب اہلکار اہم ملزمان کو میرانشاہ سے بنوں منتقل کررہے تھے، مارے گئے دہشت گرد سی ٹی ڈی اور سیکیورٹی فورسز کو متعدد سنگین مقدمات میں مطلوب تھے۔

سی ٹی ڈی کے مطابق دہشت گردوں کے ساتھ جھڑپ میں ایک اہلکار بھی زخمی ہوا ہے، جسے قریبی اسپتال منتقل کردیا گیا ہے۔

from Samaa - Latest News https://ift.tt/ro0JkIl