وزیراعلی پنجاب کی عیدالاضحی پرصفائی کے بہترین انتظامات یقینی بنانے کی ہدایت

نگران وزیراعلیٰ پنجاب محسن نقوی نے متعلقہ حکام کو عیدالاضحی پرصفائی کے بہترین انتظامات یقینی بنانےکی ہدایت کردی۔

محسن نقوی نے کہا کہ عیدالاضحیٰ پر صفائی کے انتظامات میں غفلت یا کوتاہی پر ایکشن ہوگا، سڑکوں یا گلی محلوں میں آلائشیں نظرنہیں آنی چاہئیں۔شہر صاف ستھرے ہونے چاہئیں۔

وزیراعلیٰ پنجاب نے کہا کہ آلائشوں کو بروقت اُٹھاکر مناسب طریقے سے ٹھکانے لگایا جائے، سالڈویسٹ کمپنیاں، متعلقہ ادارے اور انتظامیہ صفائی انتظامات کو یقینی بنائیں، صفائی کے انتظامات گزشتہ برس کے مقابلے میں بہتر ہونے چاہئیں۔

محسن نقوی نے کہا کہ افسران صفائی کے انتظامات کی خود مانیٹرنگ کریں، بارشوں کے پیش نظر بھی متعلقہ ادارے اپنی تیاریاں مکمل رکھیں۔

from Samaa - Latest News https://ift.tt/ag8yjW4