اسلام آباد میں مالکن کی تشدد سے زخمی ملازمہ بچی کی حالت تشویشناک

جوڈیشل کمپلیکس اسلام آباد کے انتظامی آفیسر کی اہلیہ کے مبینہ تشدد سے زخمی بچی کی حالت تشویشناک ہوگئی ہے۔

جنرل اسپتال لاہور میں زیرعلاج رضوانہ کی طبعیت آج صبح خراب ہونا شروع ہوئی، میڈیکل بورڈ کا ہنگامی اجلاس طلب کر لیا ہے جس میں اہم فیصلے کیے جائیں گے۔

پرنسپل لاہورجنرل اسپتال کے مطابق لڑکی کے پھیپڑوں میں انفیکشن ہو گیا ہے جس سے اسے سانس لینے میں دشواری ہو رہی ہے، لڑکی کی نبض غیرمعمولی چل رہی تھی، لڑکی کا بلڈپریشر بھی بہت زیادہ گرگیا۔ لڑکی کو آکسیجن پر آئی سی یومیں ہی رکھاجائے گا۔

پروفیسرالفرید ظفر نے مزید کہا کہ لڑکی کو شدید تشدد کی وجہ سے سائیکلوجیکل مسائل درپیش ہیں، کبھی لڑکی کی حالت درست ہوجاتی ہے، کبھی بگڑجاتی ہے۔

from Samaa - Latest News https://ift.tt/GQ3kgiU