قرآن پاک کی بے حرمتی کے واقعے سے مسلمانوں کے جذبات کو ٹھیس پہنچی ہے صدر مملکت

صدر مملکت نے سویڈن میں قرآن پاک کی بے حرمتی کی شدید مذمت کرتے ہوئے کہا ہے کہ اس دردناک واقعے سے اربوں مسلمانوں کے جذبات کو شدید ٹھیس پہنچی ہے۔

جمعہ کو ایک ٹویٹ میں صدر مملکت نے کہا کہ ہر ریاست کو ایسی اسلامو فوبیا پر مبنی کارروائیوں کی روک تھام کے لیے اقدامات کرنے چاہئیں۔

ڈاکٹر عارف علوی نے عالمی برادری پر زور دیا کہ وہ ایک دوسرے کے مذہبی عقائد اور اقدار کی جانب رواداری پیدا کرنے کے لیے بین المذاہب ہم آہنگی اور مکالمے کو فروغ دینے کے لیے کام کریں۔

صدر ڈاکٹر عارف علوی نے کہا کہ انسانیت کو دنیا کو امن کیلئے متحد کرنے اور ایسی بے تکی نفرت انگیز کارروائیوں سے آگے نکلنے کی ضرورت ہے۔

قائم مقام صدر محمد صادق سنجرانی نے بھی سویڈن میں قرآن پاک کی بے حرمتی کے واقعہ کی شدید مذمتکرتے ہوئے کہا کہ ہمیں دنیا بھر میں نفرت کے خلاف متحد ہونے اور مذہبی ہم آہنگی کو فروغ دینا ہے۔

from Samaa - Latest News https://ift.tt/y8tcQSa