پولیو سمیت مہلک بیماریوں سے بچاؤ اور غذائی قلت پر قابو پانا ترجیح ہے وزیراعظم

وزیراعظم شہباز شریف اور بل گیٹس کے درمیان ٹیلی فونک رابطہ ہوا جس میں پولیو سمیت صحت عامہ اور سیکٹر پروگرامز سے متعلق گفتگو کی گئی۔ وزیراعظم نے کہا کہ پولیو اور مہلک بیماریوں سے بچاؤ، غذائیت کی کمی پر قابو پانا ترجیح ہے۔

وزیراعظم شہباز شریف اور مائیکرو سافٹ کے بانی بل گیٹس کے درمیان ٹیلی فونک رابطہ ہوا، جس میں صحت عامہ اور سیکٹر پروگرامز سے متعلق گفتگو کی گئی۔

وزیراعظم نے کہا کہ پولیو اور مہلک بیماریوں سے بچاؤ کے ساتھ غذائیت کی کمی پر قابو پانا ترجیح ہے، وسائل میں سب کی شمولیت کیلئے موجودہ حکومت خصوصی توجہ دے رہی ہے۔

بل گیٹس نے وزیراعظم کی لیڈر شپ اور انسداد پولیو کیلئے پاکستان کی کوششوں کو سراہا اور کہا کہ پولیو سے بچاؤ کیلئے پاکستان کی بھرپور مدد جاری رکھیں گے۔

from Samaa - Latest News https://ift.tt/Pt08Eq5