اسلامیہ یونیورسٹی بہاولپور میں ملازمین کا گروہ منشیات فروشی میں ملوث نکلا

بہاولپور کی اسلامیہ یونیورسٹی کے ملازمین مبینہ طور پر منشیات فروشی میں ملوث نکلے۔

پولیس نے گزشتہ روز اسلامیہ یونیورسٹی بہاولپور کے ایک اور عہدیدار کو منشیات کی خرید و فروخت کے الزام میں گرفتار کرلیا۔ پہلے خزانچی، پھر سیکیورٹی افسر اور اب اسلامیہ یونیورسٹی کے ٹرانسپورٹ انچارج سے بھی آئس برآمد کرلی گئی۔

پولیس نے ڈائریکٹر فنانس ابو بکر اور سیکیورٹی افسر اعجاز شاہ کے بعد ٹرانسپورٹ انچارج الطاف سے بھی آئس برآمد کرلی۔ ایک ماہ کے دوران دو افسران سمیت تین ملازمین گرفتار کرلیے گئے۔

تمام واقعات کے جواب میں جامعہ کی لیگل ٹیم بھی حرکت میں آگئی، لاہور ہائی کورٹ سے معاملے کی جوڈیشل انکوائری اور جوائنٹ تحقیقاتی ٹیم کے قیام کے ساتھ آئی جی پنجاب سے واقعہ کا نوٹس لینے کا مطالبہ بھی کردیا۔

دوسری جانب اسلامیہ یورنیورسٹی میں وائس چانسلر کی جانب سے تمام ملازمین اور افسران کے بلڈ ٹیسٹ کروانے کا فیصلہ کیا گیا ہے۔

from Samaa - Latest News https://ift.tt/XUo98ga