ویمنز فیفا ورلڈکپ، انگلینڈ نے ڈنمارک اور چین نے ہیٹی کو ہرادیا

ویمنز فیفا ورلڈکپ میں انگلینڈ نے دوسری کامیابی حاصل کرتے ہوئے ڈنمارک کو ایک صفر سے ہرادیا۔

آسٹریلیا میں جاری ٹورنامنٹ کے دوسرے میچ میں چین نے ہیٹی کو ایک صفر سے شکست دی۔ ایک کھلاڑی کو ریڈ کارڈ ملنے کے باعث چین کی ٹیم ایک گھنٹے سے زائد دس کھلاڑیوں کے ساتھ کھیلی۔

اس سے قبل گزشتہ روز ویمن فیفا ورلڈکپ کے گروپ ای میں پرتگال نے ویتنام کو دو صفر سے ہرادیا تھا جبکہ گروپ بی میں نائیجریا نے آسٹریلیا کو دو کے مقابلے میں تین گول سے ہراکر پہلی پوزیشن حاصل کی۔

یاد رہے کہ امریکا کی ویمنز ٹیم دفاعی چیمپئن ہے۔ امریکی ویمن فٹ بال ٹیم نے 2015 اور 2019 کا ٹائٹل اپنے نام کیا تھا۔ عالمی ویمنز فٹ بال ٹورنامنٹ کا فائنل 20 اگست 2023 کو آسٹریلیا کے سڈنی اولمپک سٹیڈیم میں کھیلا جائے گا۔

میگا ایونٹ میں شامل 32 ٹیموں میں میزبان نیوزی لینڈ، ناروے، فلپائن، سوئٹزرلینڈ، میزبان آسٹریلیا، آئرلینڈ، نائیجیریا، کینیڈا، سپین،کوسٹاریکا، زیمبیا، جاپان، انگلینڈ، ہیٹی، ڈنمارک، چین، دفاعی چیمپئن امریکا،ویتنام، نیدرلینڈز، پرتگال، فرانس، جمیکا، برازیل، پانامہ،سویڈن، جنوبی افریقا، اٹلی، ارجنٹائن، جرمنی، مراکش، کولمبیا اور جنوبی کوریا شامل ہیں۔

from Samaa - Latest News https://ift.tt/DNR3pMS