لاہور شہر کی مختلف شاہراہوں پراستحکام پاکستان پارٹی کے پرچم لہرا دیے گئے

لاہور شہر کی مختلف شاہراہوں پر نئی سیاسی جماعت استحکام پاکستان پارٹی کے پرچم لہرا دیے گئے۔

استحکام پاکستان پارٹی کے پرچموں نے ماضی کی سیاسی سرگرمیوں کی یاد تازہ کر دی ہے۔ استحکام پاکستان پارٹی کے پارٹی پرچم سڑکوں پر بلند وبالا پولزپر آویزاں ہیں ۔نئی سیاسی جماعت کا پرچم اپنے رنگوں کے اعتبارسے منفرد اورنمایاں نظرآتا ہے۔

استحکام پاکستان پارٹی کی جانب سے کنال روڈ ،کیولری برج ، فیروزپورروڈ ، کلمہ چوک اور مسلم ٹاؤن میں پارٹی چموں کی بھرمارکی گئی ہے۔ مختلف حلقوں سے قومی و صوبائی اسمبلی کے ممکنہ امیدواروں میں پارٹی پرچم لگانے کا مقابلہ بھی جاری ہے ۔ایک دوسرے سے سبقت لے جاتے ہوئے زیادہ سے زیادہ پرچم لگائے جا رہے ہیں ۔گلبرگ ، علامہ اقبال ٹاؤن ،جیل روڈ اورانفینٹری روڈ پربھی پارٹی پرچموں کی بہتات نظرآ رہی ہے۔

from Samaa - Latest News https://ift.tt/vAapIxJ