امریکا کے ساتھ مثبت اور تعمیری تعلق ہے، ضروری نہیں ہرمعاملے پر اتفاق ہو، نگران وزیراعظم

نگران وزیراعظم انوارالحق کاکڑ کا کہنا ہے کہ امریکا کے ساتھ مثبت اور تعمیری تعلق ہے۔ امریکا کے ساتھ طویل مدتی شراکت داری چاہتے ہیں۔

ہارورڈ یونیورسٹی کے طلبا سے گفتگو میں نگران وزیراعظم انوارالحق نے کہا کہ ضروری نہیں امریکا کے ساتھ ہرمعاملے پر اتفاق ہو، ملکوں کے درمیان امور پر اتفاق اور اختلاف رہتا ہے۔

انوارالحق کاکڑ نے کہا کہ امریکا کے ساتھ ملکر پاکستان نے طویل جنگ لڑی ہے، ہم نے ملکر عالمی امن کیلئے بہت اہم کردار ادا کیا ہے۔ موسمیاتی تبدیلیوں کے منفی اثرات کا مقابلہ کرنے کیلئے امریکاسےقریبی تعاون ہے۔

ان کا کہنا تھا کہ امریکی معاشرہ ایک متنوع حیثیت کاحامل ہے، گزشتہ200 برسوں میں امریکا نے زبردست ترقی کی۔ باقی ملکوں کیلئے امریکی ترقی سیکھنے کے مواقع ہیں۔

انوارالحق کاکڑ کا کہنا تھا کہ پہلے ہمارے پڑوس میں ایک بڑا سپرپاور روس موجود رہا پھر امریکا کی قیادت میں مغربی ممالک کا بڑا اتحاد بھی ہمارے پڑوس میں رہا۔ مزید کہا کہ ہماراسب سےبڑامسئلہ ہمارےوسائل،اخراجات میں توازن نہ ہوناہے۔

انہوں نے کہا کہ 70 کی دہائی میں بھارت سے پڑھے لکھے نوجوان ملک سے باہر گئے،30 سال بعد وہی لوگ اپنےملک کا قیمتی اثاثہ ثابت ہوئے۔ ضروری ہےہمارے نوجوان جہاں بھی جائیں کامیاب ہوں۔

نگران وزیراعظم کا کہنا تھا کہ پاکستانی ڈاکٹرز اپنی مہارت کی وجہ سے دنیا میں جانے جاتے ہیں، پاکستانی ڈاکٹرامریکی معاشرے میں ہماری پہچان ہیں، انہوں نے کہا کہ مجھےنہیں معلوم آئی ایم ایف کوایک دشمن کےطورپرکیوں پیش کیاجاتا ہے۔

انوارالحق کاکڑ کا کہنا تھا کہ پاکستانی عوام میں موجودہ بحرانوں پرقابو پانے کی مکمل صلاحیت ہے۔ پاکستان میں جمہوری عمل تسلسل سے جاری ہے۔ گزشتہ15سال میں3 اسمبلیوں نے اپنی مدت پوری کی۔

from Samaa - Latest News https://ift.tt/HGsLUpM